महेन्द्रनगर । सुदूरपश्चिमाञ्चल विश्वविद्यालय केन्द्रीय क्याम्पसका प्रशासकीय अधिकृत कृष्णदत्त जोशीको निधन भएको छ । शुक्रबार दिउँसो केन्द्रीय क्याम्पसमा प्रशासकीय अधिकृत जोशीको निधन भएको हो । जोशीको शव पोष्ट मार्टमका लागि महाकाली प्रादेशिक अस्पतालमा राखिएको छ ।
केन्द्रीय क्याम्पसमा जलि रहेको टेलिफोन तार काटेर भुईमा झरेका जोशी अचानक लडेको प्रत्यक्षदर्शी क्याम्पसका चौकीदार टेकेन्द्रराज विष्टले बताए । ‘रुखमा चढेर वहाँले तार काट्नु भो, भुईमा झरेपछि मलाई तार दिनु भो, मैले समातेर यता राखे, त्यसपछि एकै छिनमा वहाँ भुईमा लड्नु भो, म र म एक्लैले उठाउन सकेन, त्यसपछि अर्को साथीलाई बोलाए’ प्रत्यक्षदर्शीले विष्टले भने ।
भीमदत्त नगरपालिका ८ तिलाचौरका जोशीका धर्मपत्नि र एक छोरा छन् । टेलिफोन तारसंगै विद्युतको लाइन पनि भएकाले जोशीले काटेको तारमा प्रवाह भएको करेन्ट लागेको हुन सक्ने आशंका गरिएको छ ।
तार जलेपछि नेपाल टेलिकम प्राविधिक टोली मर्मतका लागि क्याम्पस पुगको थियो । केही समय अघि जिल्ला प्रहरी कार्यालयका प्रहरी निरीक्षक ईश्वर बहादुर थापा सहित जोशीको आफन्त सहितले केन्द्रीय क्याम्पस पुगेर घट्ना स्थल अनुगमन गरेका छन् ।
जिल्ला प्रहरी कार्यालय कञ्चनपुरका प्रहरी निरीक्षक थापाले घट्नाबारे सोधपुछ भई रहेको जानकारी दिए ।