महेन्द्रनगर । भीमदत्त नगरपालिका १७ को जानकी टोलस्थित महाकाली सिँचाई नहर किनारको पिपल चौतारामा शुद्ध पिउने पानीका लागि मेसिन जडान गरिएको छ ।
भीमदत्त नगरपालिका १७ नम्बर वडा कार्यालयले भगतवति बाल विकास केन्द्रका बालबालिका र स्थानीयका लागि मेसिन जडान गरिएको वडा अध्यक्ष पदम बुढाले जानकारी दिए ।
पिपल चौतारा नजिक भगवती बाल विकास केन्द्र छ । सामुदायिक विद्यालयमा १७ नम्बर वडामा बाल विकास केन्द्र मात्रै छ । मेसिन जडान गरिएको पिपल चौताराको उत्तर वडा नं। ५ र पश्चिम ११ नम्बर वडा पर्छ ।
टोलमा अधिकाँश कमजोर आर्थिक अवस्थाका दलित, विपन्न समुदायका वासिन्दाको बसोबास छ । गर्मी याममा गरीब वासिन्दालाई समेत चिसो पानी उपलब्ध हुने गरी मेसिन जडान गरिएको वडा अध्यक्ष बुढाले बताए ।