काठमाडौं । जनकपुर बोल्ट्सलाई ८ विकेटले पराजित गर्दै सुदूरपश्चिम रोयल्स नेपाल प्रिमियर लिग एनपीएलको फाइनलमा प्रवेश गरेको छ। विनोद भण्डारीको अर्धशतक मद्दतमा सुदूरपश्चिम फाइनलमा पुगेको हो।
कप्तान दीपेन्द्र सिंह ऐरीले अविजित २० रन बनाए। उनले १६ बल खेल्दै १ चौका र १ छक्का प्रहार गरे। ऐरीले चौका प्रहार गर्दै खेल जिताएका थिए।
जनकपुरका ललित राजवंशी र किशोर महतोले १–१ विकेट लिए। त्यसअघि टस जितेर ब्याटिङ गरेको जनकपुरले निर्धारित २० ओभरमा ९ विकेट गुमाएर १३९ रन बनाएको थियो। जनकपुरका लागि जिमी नीशमले २३ बल खेल्दै ३ चौका र ३ छक्का मद्दतमा सर्वाधिक ४५ रन बनाए।
