महेन्द्रनगर । कञ्चनपुरको बेलौरीमा नेपाल प्रहरीका असई वीरबहादुर चन्दमाथि कुटपिट गर्ने व्यक्ति पक्राउ परेका छन् ।
प्रहरीका अनुसार प्रहरी चौकी पचुईका इन्चार्ज समेत रहेका असई चन्दमाथि कुटपिट गर्ने बेलौरी नगरपालिका–८ का राहुल रानालाई मंगलबार साँझ पक्राउ गरिएको हो ।
केही दिनअघि चेकजाँचका क्रममा रानाले असई चन्दलाई लछारपछार गर्दै कुटपिट गरेको भिडियो भाइरल भएको थियो ।
कुटपिटमा संलग्न अरु व्यक्तिको पनि खोजी भइरहेको प्रहरीले जनाएको छ ।
