महेन्द्रनगर । १२ औं विज्ञान दिवसको अवसरमा आयोजना गरिएको विज्ञान प्रदर्शनी प्रतियोगितामा आधारभूत तह कक्षा १–८ मा इन्टरनेशनल पब्लिक स्कुल र माध्यमिक तह९–१२ मा महेन्द्रनगर माध्यमिक विद्यालय साधारण ले प्रंथम स्थान हासिल गरेका छन्।
इन्टरनेशन माध्यमिक तहको प्रतियोगितामा पनि दोस्रो स्थान हासिल गरेको छ । भीमदत्त नगरपालिकाले आयोजना गरेको आधारभूत र माध्यमिक तहको प्रतियोगितामा सामुदायिक र संस्थागत विद्यालयका विद्यार्थीहरुले भाग लिएका छन् ।
आधारभूत तहमा इन्टरनेशनका योगेश लेखक र कविर सुनार प्रथम भएका हुन् । यसैगरी माध्यमिक तहको प्रतियोगितामा इन्टरनेशनका सुप्रीत रावल, दिपेश पाण्डेय, सिद्धान्त भट्ट, आदर्श जोशी, शुभ ऐरले द्वितीय स्थान हासिल गरेका छन् ।
माध्यमिक तहको प्रतियोगितामा समिर पाण्डेय, साधना भट्ट, रमेश प्रसाद भट्ट र सक्षम भट्ट प्रथम भएका हुन् । प्रतियोगितामा प्रथम, द्वितीय, तृतीय र सान्तवना स्थान हासिल गर्ने विद्यालयलाई संविधान दिवसमा पुरस्कार वितरण गरिने भएको छ ।
विज्ञान तथा प्रविधि विकास र उत्पादनमा वृद्धि भन्ने नाराका साथ दिवस मनाईएको छ ।